Ra’iisul Wasaaraha Dowladda Federaalka Soomaaliya oo gaaray magaalada Kismaayo

Kismaayo:-Ra’iisul Wasaaraha Dowladda Federaalka Soomaaliya Dr.Cumar C/rashiid Cali Sharmaarke ayaa maanta si weyn loogu soo dhaweeyay magaalada Kismaayo waxaana garoonka diyaaradaha Kismaayo ku soo dhaweeyey Madaxweynaha Jubbaland Axmed Maxamed Islaam iyo Ku xigeenkiisa C/qaadir Xaaji Maxamuud Luga Dheere ,masuuliyiin kale oo ka tirsan Golayaasha Jubbaland iyo dadweyne fara badan.

Wafdiga Ra’iisul Wasaaraha Dowladda Federaalka Soomaaliya Dr.Cumar C/rashiid Cali Sharmaarke ayaa waxaa ka mid ahaa Wasiirka Arrimaha gudaha C/raxmaan Odawaa, Xildhibaano , wasiir ku xigeeno iyo Xeer ilaaliyaha guud ee DFS. Socdaalka Ra’iisul Wasaaraha Dowladda Federaalka Soomaaliya Dr.Cumar Cabdirashiid Cali Sharmaarke uu ku yimid magaalada Kismaayo ayaa waxaa uu salka ku hayaa siddii xal looga gaari lahaa Khilaafka ka dhex aloosan maamulka Jubbaland iyo DFS.

Ra’iisul Wasaaraha Dowladda Federaalka Soomaaliya Dr.Cumar C/rashiid Cali Sharmaarke ayaa joogi doono hal maalin magaalada Kismaayo waxaan uu wada xaajood ah la qaadan doonaa Madaxda Jubbaland si loo soo afjaro khilaafka iyo is faham la’aanta ka dhex jirta DFS iyo Jubbaland.

A/cawaale
Halgan.net