Madaxweynaha Dowladda Puntland Dr.C/raxmaan Faroole oo gaaray Dubai.

Dubai:-Waxaa xalay abaarihii 8 dii fiidnimo ka soo degey Dubai International airport madaxweynaha Dawladda Puntland Dr. C/raxmaan Sheekh M.M. Farole iyo wafdti ballaaran oo uu hogaaminayey, waxana si aan hore loo arag loona maqal usoo dhaweeyey jaalliyada reer Puntland ee ku dhaqan Isutagga imaaradka carabta.

Madaxweynaha oo ay wejigiisa ka muuqatey farxad ayaa isaga oo dhoola caddaynaya mid mid u gacan qaaday una mahadceliyey dad fara badan oo safnaa gudaha iyo dibadda airporka , sidoo kalena Jaalliyadda oo ku faraxsan soo dhaweynta madaxweynaha ayaa ugu hambalyeynayey guulaha xagga horumarka iyo siyaasadda ee madaxweynaha iyo maamulkiisu ku tillaabsaday dhawaanahan .

Madaxweynaha dowllada Puntllad Dr C/raxmaan Faroole oo ay safarkiisa ku weheliyeen xubna ka tirsan xukuumaddisa oo ay mid yihin wasiirka arrimaha gudaha iyo horumarinta reer miyiga iyo dawladaha hoose Gen. C/laahi axmed jamac (Ilkajiir) iyo agaasimaha madaxa bannaan ee Hay’adda Petrolka iyo macdanta Puntland Dr. Ciise Dhoollawaa iyo saraakiil ka tirsan madax tooyada Puntland , sidoo kale waxa ka mid ahaa Waftiga madaxweynaha murwada koowaad ee Puntland marwo Amina Abiib (Xaaska Madaxweynah). Waxaana loo sii galbiyey Hotel Crown Plaza oo ku yaal meelaha ugu caansan Magaalada dubai ( Jumaira) halkaas oo la filayo inuu madaxweynuhu kula kulmi doono shirkado ajnabi ah oo gacan weyn ka geysan doona horumarinta Puntland iyo weliba saraakiil sar sare oo ka tirsan dawladda Imaaraadka.

Safarka Madaxwayne Faroole ayaa waxuu salka ku hayaa sidii loo horumarin lahaa siyaasada,horumarka arrimaha bulshada xoojinta amaanka,sare uqaadida sidii looga guulgari laha qayradka dabiicga ah.

Ciiro Axmed Hassan
Halgan.net, Dubia