Copenhagen station train oo saacado dhowr ah la xiray markii Bam laga baqay

Denmark:-Waxaa maanta in mudo ah la xiray copenhagen station train xarunta ugu weyn ee laga raaco tareennada ee dalka Denmark ka dib markii la soo gaarsiiyey Booliska magaalada Copenhagen ee xarunta dalka Denmark in baakad ama boorso aan la aqoon wax ku jira looga tagay gudaha station train Copenhagen.

Waxaa jahwareer uu ku dhacay dhamaan dadweynihii raaci lahaa tareenada waxaana la faarujiyey station train Copenhagen waxaana la xiray in mudo ah wadooyinka soo galaya  .

Afhayeen u hadlay ciidanka Booliska ee magaalada Copenhagen ayaa sheegay in xaalada ay tahay haatan mid caadi ah dibna loo furay station train Copenhagen wuxuuna intaas raaciyey in aysan jirin wax khatar ah .

Booliska magaalada Copenhagan ayaa waxaa uu sheegay in ay la soo xiriirtay  qof haween ah oo ka soo jeeda wadamada carbeed taas oo dhigtay baakada laga kala cararay saaka Copenhagen station train waxayna Booliska u sheegtay in ay u sii dhiibeysay baakada saaxiibteed oo degan magaalo madaxada labaad ee dalka Sweden ee Goteborg iyada oo aan rabin in ay bixiso qarshka boostada taas oo ka yaabisay Booliska dalka Denmark

A/Cawale
Halgan.net