Madaxweynaha Dawladda Puntland oo caawa u hoydey degmada Galdogob.[Masawiro]

Galdogob:-Madaxweynaha Puntland ayaa waxaa uu safar ay ku weheliyeen masuuliyiin kala duwan oo ka tirsan labada gole ee Dawladda Puntland iyo gudoomiyaha gobolka Mudug iyo saraakiil ka tirsan madaxtooyada Puntland. Deeganadii ay wafdiga madaxweynuhu maanta booqashada kusoo mareen waxaa ka mid ahaa deegaanka beyra, teerage, xero-jaalle , waxaana dadweynaha deeganadaasi ay si diiran u soo dhoweeyeen Madaxweynaha Dawladda Puntland Dr.Gaas iyo masuuliyiinta la socday.

Madaxweynaha Dawladda Puntland Dr. Cabdi-weli Maxamed Cali Gaas aya la hadlay dhamaan dadweynihii kusoo dhoweeyey deeganadii uu soo maray, isagoo uga mahad celiyay sida wanaagsan ee ay usoo dhoweeyeen. Madaxweynaha iyo wafdigiisa ayaa isla maantaba gaaray magaalada Galdogob oo ka mid ah degmooyinka Gobolka Mudug, waxaana dadweynaha ku dhaqan magaaladaasi ay si weyn u soo dhoweeyeen Madaxweynaha Puntland iyo masuuliyiinta kale ee la socota.

no images were found

Madaxweynaha ayaa bulshada Galdogob uga mahad naqay sida wanaagsan ee ay ugu soo dhoweeyeen magaalada, wuxuu sidoo kale booq day iskuulka hoose/dhexe iyo sare ee degmada Galdogob,Hospitalka iyo saldhiga ciidanka.

Madaxweynaha Puntland ayaa caawa u hoyan doona magaalada Galdogob , isagoo kulamo kala duwana la yeelan doona qaybaha kala duwan ee bulshada ku nool magaaladaasi.

—DHAMAAD–
Xafiiska Warfaafinta, Wacyi-gelinta Iyo Hiddaha Iyo Dhaqanka
Ee Madaxtooyada Puntland.