Ciidanka PSFoo howl gal ku qabtay xubno ka tirsa Al-Shabaab iyo Daacish

May 13, 2020 - Written by Editor

Boosaaso: Ciidanka PSF ayaa waxaa ay Hawlgal gaar ah galabta oo Taarikhdu tahay  13, 2020 ka sameeyeen gudaha magaalada Bosaaso waxay ku soo qabteen qaraxyo kala duwan oo ay kooxda Daacish ku diyaariyeen guryo ku yaal magaalada Bosaaso si ay ugu dhibaateeyaan shacabka Soomaaliyeed ee ku nool magaalada Bosaaso ee xarunta Gobolka Bari.

Ciidanka PSF ayaa sheegay in Qaraxyadan ay ciidamada fashiliyeen ay koobnaa qaraxyada dhulka la geliyo iyo suumanka qaraxa ee ay naftood-haligyaashu isku qarxiyaan.

Hawlgalkan ay ciidamada PSF galabta fuliyeen ayaa daba-socday hawlgalkii sagaalkii bishan ay ciidanka PSF ka sameeyeen Bosaso oo lagu diley xubin muhiim ah ka tirsanaa Daacish sidoo kalena lagu soo qabtay madaxii Amniyaatka Daacish ee gobolka Bari iyo 2 gaari oo qaraxyo lagu soo xiray.

Ciidamada PSF waxaa kale oo ay hawlgalkan galabta ku soo qabteen 3 maxbuus oo ah argagixisadii qaraxyadaas maleegayey.

Ciidamada PSF ayaa qoraalkaan oo ay ku faafiyeen bar ay ku leeyihiin baraha bulshada waxaa ay ku sheegeen in ay sii wadi doonaan hawl gallada qorshaysan oo ay ku beegsanayaan kooxaha cadowga ah ee Al Shabaab iyo Daacish.

Ciidamada PSF ayaa shacabka reer Puntland ka codsaday in ay ciidamadooda ku garab istaagaan ka hortaga cadowga ku hawllan gumaadka iyo waxyeelaynta shacabka,Haddii aad aragtid wax amniga lid ku ah ama aad ka shakidid nagala soo xiriir telefoonadan 477/388.

M_M_Deeq
Halgan.net

Comments are closed.