Askari ka tirsan Booliska Kenya oo lagu dilay magaalada Nairobi

Nairobi:-Waxaa xalay koox hubeyn oo aan la aqoon ku dileen magaalada Nairobi  askari ka tirsan dowlada Kenya waxayna sidoo kale ay dhaawaceen laba askari oo kale weerarka ayaa ka dhacay bartamaha magaalada Nairobi ee xarunta Kenya.

Taliyaha ciidanka Booliska ee magaalada Nairobi Moses Ombati oo la hadlay saxaafada ka howlgasha gudha dalka Kenya ayaa sheegay in koox hubeysan ay weerar ku qadeen askarta xili ay roondo ka sameynayeen  xalay bartamaha magaalada Nairobi waxaana ku dhintay ayuu yiri weerarka hal askari 2 kalena wey ku dhaawacmeen.

Mr.Moses Ombati taliyaha ciidanka Booliska ee magaalada Nairobi ayaa sheegay kooxda dilka geysatay in ay ahaayeen burcad horey u dhacday dukaamo ku yaal magaalada Nairobi wuxuuna qiray in ay baxsadeen burcada dilka fulisay.

Dhinaca kale taliyaha ciidanka Booliska magaalada Nairobi ayaa ka hadlay raafka ka socda xaafada Islii waxaana uu sheegay in howlgalada ka socda Nairobi lagu sugayo amaanka waxaana uu sheegay in sharciyo been abuur ah ay ka heleen xaafada Islii ayna baarayaan

A/Cawale
Halgan.net