Ciidanka Booliska ee Puntland oo hawl-gallo ka wada magaalada Gaalkacyo

Gaalkacyo:-Waxaa ka socda magaalada Gaalkacyo ee xarunta gobalka Mudug howlgalo ay wadaan ciidanka Booliska ee magaalada Gaalkacyo ka dib markii xalay Bam lagu tuuray saldhig Boolis oo dhawaan laga sameeyey xaafada Garsoor.

Taliye ku xigeenka qaybta Booliska ee gobolka Mudug Axmed Cismaan Cali ayaa shirjaraa,id ku qabatay magaalada Gaalkacyo waxaana uu sheegay in xalay Bam lagu tuuray saldhig ciidan oo ku yaal xaafada Garsoor wuxuuna sheegay in qof rayid ah uu ku dhaawacmay.

Axmed Cismaan Cali Taliye ku xigeenka qaybta Booliska ee gobolka Mudug  ayaa sheegay weerarkii xalay in ay ka danbeeyeen kooxo burcad badeed ah oo ku sugan Gaalkacyo oo ay ciidanku ku daba jireen.

Taliye ku xigeenka qaybta Booliska ee gobolka Mudug Axmed Cismaan Cali ayaa sidoo kale sheegay howlgalada ay xalay iyo saaka ka fuliyeen ciidamada amaanka magaalada Gaalkacyo in ay ku soo qabteen walxaha qarxa .

M_M Deeq
Halgan.net