Buulo Guduud oo ay ku dagaalameen Al-shabaab iyo Ciidamada huwanta

Kismaayo:-Warar aan ka helnay ilo wareed lagu kalsoon yahay oo ku sugan gobalka J/hoose ayaa sheegaya in ciidamada Raaskambooni iyo kuwa Kenya ay shalay la wareegeen deegaanka Buulo Guduud ka dib markii ay halkaas ka baxeen ciidamada Ururka Al-Shabaab oo ka warhelay in ciidamada huwanta ay ku soo wajahan yihiin Buulo Guduud.

Ciidamada Huwanta ayaa Difaacyo ka sameystay duleedka Deegaanka buulo Guduud .Wararka saaka naga soo gaaraya ayaa sheegaya in deegaanka Buulo Guduud uu ka dhacay dagaal ka dib markii ay weerar ku soo qaadeen ciidamada Al-Shabaab waxaana dagaalka uu socday in mudo ah.

Ciidamada Al-Shabaab ayaa Hoobiyaal ku garaacay Difaacayada ciidamada huwanta waxaana la is dhaafsaday hubka culculus .Ilaa haatan ma jiraan cid ka hadashay dagaalka ka dhacay deegaanka Buulo Guduud lamana oga khasaaraha kala gaaray labada dhinac.

Cabdi Yare
Kismaayo