Golaha wasiirada ee DFS oo maanta ku shiray magaalada Muqdisho

Muqdisho:-Golaha wasiirrada ee dowllada Federaalka Soomaaliya ayaa maanta waxaa ay yeesheen shirkoodii caadiga ahaa iyadoo uu shirka uu maanta shir guddoominayey Ra’iisul wasaaraha DFS Cabdi Faarax Shirdoon (Saacid). Shirka maanta ay yeesheen Golaha wasiirada DFS ayaa maanta waxaa ka soo qayb galay,wasiiro ku xigeeno, wasiiru-dowlayaal uu maalmo ka hor uu magacaabay Ra’iisul wasaaraha DFS Cabdi Faarax Shirdoon (Saacid).

Shirka Golah wasiirada DFS ayaa maanta markii uu soo dhamaaday waxaa saxaafada la hadlay  Ra’iisul wasaaraha DFS Cabdi Faarax Shirdoon (Saacid) isagoo faahfaahin ka bixiyey arrimihii ay Golaha wasiiradu ay maanta ka wada hadleen. Ra’iisul wasaaraha DFS Cabdi Faarax Shirdoon ayaa xusay in Golaha wasiiradu ay ka doodeen siddii bulshada Soomaaliyeed ay kalsooni uga heli lahaayeen golaha xukuumada,  shacabkuna ay dowllada ula shaqayn lahaayeen.

Shirka maanta ayaa ahaa kii ugu horeeyey oo ay isku arkeen Wasiiro ku- xigeeno, iyo wasiirul-dowlayaal uu dhawaan magacaabay Ra’iisul wasaaraha DFS Cabdi Faarax Shirdoon (Saacid).

A/cawaale
Halgan.net