.gif)
Gudoomiyaha Baarlamaanka Jabuuti oo soo gaaray magaalada Muqdisho
December 12, 2012 - Written by
Muqdisho:-Guddoomiyaha baarlamaanka ee dalka Jabuuti Idiris Aar Naaquud Cali iyo wafdi uu hoggaaminayo ayaa soo gaaray maanta magaalada Muqdisho waxaana uu kulamo la yeeshay dhigiisa Soomaaliya Prof. Maxamed Cismaan Jawaari iyaga oo ka wada hadlay xiriir ka labada dal sidii loo xoojin lahaa .
Waftiga gudoomiyaha Baarlamaanka Jabuuti Idiris Aar Naaquud Cal ayaa waxaa garoonka Diyaaradaha ee Aadan Cabdulle ku soo dhoweeyey Gudoomiyaha Baarlamaanka Soomaaliya Maxamed Cismaan Jawaari iyo xubno ka tirsan golaha baarlamaanka ee DFS .
Guddoomiyaha Baarlamaanka ee dalka Jabuuti ayaa u jeedada booqashadiisa waxaa lagu sheegay sidii uu wadahalo ula yeelan lahaa gudoomiyaha Baarlamaanka Soomaaliya oo casumaada u fidiyey Guddoomiyaha baarlamaanka ee dalka Jabuuti Idiris Aar Naaquud Cali.
Guddoomiyaha baarlamaanka ee dalka Jabuuti Idiris Aar Naaquud Cali ayaa waxaa kale oo uu wadahadal la yeelan doonaa Madaxweynaha DFS Xasan Sheekh Maxmuud waxaana uu sidoo kale booqan doonaa ciidamada dalka Jabuuti ee ka tirsan AMISOM ee haatan ku sugan magaalada Baladweyne ee xarunta gobalka Hiiraan.
A/Cawale
Halgan.net
Halgan.net
