Iska horimaad hubeysan oo xalay ka dhacay Koonfurta magaalada Gaalkacyo

Gaalkacyo:-Wararka naga soo gaaraya magaalada Gaalkacyo ee xarunta gobalka Mudug ayaa sheegay in xalay kooxo hubeysan uu iska horimaad ku dhexmaray koonfurta magaalada Gaalkacyo waxaana ku dhintay iska horimaadka ugu yaraan laba qof halka ay qaar kale ku dhaawacmeen.

Taliyaha booliska Galmudug, Cabdi Xasan Qooreey ayaa waxaa uu xaqiijiyey in ay jiraan laba koox oo ku dagaalamay xalay koonfurta magaalada Gaalkacyo wuxuuna sheegay in ay wadaan baaritaan .

Laba Maleeshiyaad ee xalay ku dagaalantay koonfurta magaalada Gaalkacyo ayaa la aqoon cida ay ka amarqaataan iyo wax uu salka ku hayo dagaalkooda .

Goobjooge ku sugan koonfurta magaalada Gaalkacyo ayaa warbaahinta ka howlgasha Muqdisho u sheegay in xalay saacada markay ahayd 10:30 habeenimo ay maqleen rasaas culus oo ay isku ridayaan laba kooxood wuxuuna sheegay in laba qof dhimatay 4 kalana ay dhaawacmeen.

C/Casiis Maxamed
Halgan.net