Ra’iisul Wasaaraha dowlada Federaalka Soomaaliya oo gaaray Kismaayo[Daawomasawirada]

Kismaayo:-Ra’iisul Wasaaraha dowlada Federaalka Soomaaliya Cabdi Faarax Shirdoon (Saacid) iyo wafdi uu hogaaminayo ayaa gaaray magaalada Kismaayo ee xarunta Gobolka Jubada Hoose.  Ra’iisul Wasaaraha dowlada Federaalka Soomaaliya Cabdi Faarax Shirdoon (Saacid) iyo wafdi uu hogaaminayo ayaa si weyn loogu soo dhaweeyey magaalada Kismaayo iyadoo la arkayey masuuliyiinta maamulka KMG ee Kismaayo  iyo wafdi wasiiro ah oo oo ka tirsan DFS oo ku sugan Garoonka Diyaaradaha ee magaalada Kismaayo.

Markii uu magaalada Kismaayo soo gaaray wafiga Ra’iisul Wasaaraha dowlada Federaalka Soomaaliya Cabdi Faarax Shirdoon (Saacid) ayaa waxaa aad loo adkeeyey amaanka guud ee magaalada Kismaayo iyadoo dhamaan is gaarsiinta laga saaray hawada waxaa sidoo kale  la arkayey ciidanka dowlada Kenya iyo kuwa Raaskaambooni oo ilaalo wafdiga  Ra’iisul wasaaraha  Saacid.

no images were found

Ra’iisul Wasaaraha dowlada Federaalka Soomaaliya Cabdi Faarax Shirdoon Saacid ayaa inta uu joogo magaalada Kismaayo waxaa uu kulamo la qaadan doonaa maamulka ku meel gaarka ah ee magaalada Kismaayo iyo odayaasha dhaqanka ee Gobollada Gedo iyo Jubooyinka kuwaas oo shir uga furmay maalmihii la soo dhaafay magaalada Kismaayo  shirkaas oo lagu dhisayo maamul gobolleedka la magac baxay Juballand State.

Cabdi Yare
Halgan.net