Raisulwasaaraha DFS oo gaaray magaalada Gaalkacyo ee xarunta gobalka Mudug

Gaalkacyo:-Raisulwasaaraha dowlada federaalka ee Soomaaliya Cabdi Faarax Shirdoon  iyo wefdigii uu hoggaaminayo ayaa goordhow gaaray magaalada Gaalkacyo ee xarunta gobalka Mudug waxaana garoonka diyaaradaha si wada jir ah ugu soo dhaweeyeen maamulada ka jira magaalada Gaalkacyo ee Puntland iyo Galmudug.

Wafdiga Raisulwasaaraha DFS ayaa waxaa  loo galbiyey dhinaca Koonfureed ee magaalada Gaalkacyo halkaas ay maamulaan Maamulka Galmudug Raisulwasaare Saacid ayaa kulan la qaadan doona Masuuliinta Galmudug  waxaana Raisulwasaaraha markii uu gaaray Galmudug soo dhaweeyey Madaxweynaha Galmudug iyo  dadweyne tiro badan.

Raisulwasaare Saacid ayaa ku sugnaa 2Maalmood deegaanada Puntland gaar ahaan Magaalada Garoowe wuxuuna kulamo kala duwan la yeeshay Madaxweyne Faroole iyaga oo maanta heshiis kala saxiixday.

M_M Deeq
Halgan.net