Banaanbax looga soo horjeedo xariga Sh Xassan Daahir oo ka dhacay Muqdisho.[Video]

Muqdisho:-Banaanbax looga soo horjeedo xariga Sheekh. Xassan Daahir Aweys ayaa maanta waxaa uu ka dhacay barxada Tarbuunka , isgoyska Banaadir iyo Zope. Dadweynaha banaanbaxa dhigayey ayaa waxaa ay ku qaylinayeen  hadalo lid ku ah Madaxda Dowllada Federaalka Soomaaliya.

Banaanbax ayaa yimid maalin ka hor markii wafdi ka socda maamulka Ximin iyo Xeeb, odayaal dhaqan, siyaasiyiin, Xildhibaano ka tirsan Dowllada Federaalka Soomaaliya oo ay isku hayb yihiin Sh Xassan Daahir Aweys ay ku qanciyeen in Shiikha ay keenaa magaalada Muqdisho. Banaanbax ayaa markii danbe waxaa uu isku rogay mid rabshado wata iyagoo dadkii banaanbaxayey ay gubeen taayarro , dhagaxaan ay ku tureen goobo ganacsi. Dowladda Federaalka Soomaaliya ayaan ilaa hadda aan soo saarin mowqif cad oo ku aadan sida laga yeelayo xaalada Sh Xassan Daahir Aweys oo hadda ku xiran xarunta ciidanka nabadsugida ee Khadiijo.

Hoos ka Daawo dadweynihii ka banaanbaxay xariga Sh Xassan Daahir Aweys

Source Somalichannel