Ciidanka Puntland oo sheegay in ay fariisimo kala wareegeen ururka Al-shabaab

Galgala:-Taliyaha Guutada koowaad ee ciidanka daraawiishta Puntland ee gobalka Sanaag Col. Cabdi Jaamac Cilmi [Dhagaf] ayaa sheegay in ay gacanta ku dhigeen saad u badan raashin ka dib markii ay xog  heleen in deegaanka Dal-qooxle uu keyd u yaal ururka Al-Shabaab. Taliyaha Guutada koowaad ee ciidanka daraawiishta Puntland Col.Cabdi Jaamac Cilmi [Dhagaf] ayaa warbaahinta u sheegay in ay howl gal ka fuliyeen deegaanka Dal-qooxle oo ilaa 40 KM u jirta deegaanka Ceel Doofaar.

Ilo wareed lagu kalsoon yahay oo ku sugan magaalada Boosaaso ee xarunta gobalka Bari ayaa Halgan.net u sheegay in ciidanka Puntland ay maanta deegaanka Dal-qoox ay howlgalo ka fuliyeen.Taliyaha Guutada kowaad Col.Cabdi Jaamac Cilmi [Dhagaf]ayaa sheegay in ay sii wadi doonaan howlgalada ka dhanka ah Ururka Al-shabaab.

Ilaa haatan ma jiraan masuul ka tirsan Ururka Al-shabaab oo ka hadlay howlgalada ay sheegeen ciidanka Puntland in ay ka fuliyeen maanta deegaanka Dal-qooxle ilaa 40 KM u jira deegaanka Ceel Doofaar.

M_M Deeq
Halgan.net