Danjire Annadif oo kulan la qaatay Madaxweynaha DFS iyo R/W Shirdoon (Masawiro)

Muqdisho:-Ergeyga gaarka ah ee Midowga Afrika u qaabilsan Soomaaliya Danjire Mohamed Saleh Annadif ayaa maanta magaalada Muqdisho kula kulmay madaxweynaha DFS Xasan Sheekh Maxamuud iyo Raisulwasaare Cabdi Faarax Shirdoon Saacid

Labada dhinac ayaa waxaa ay ka wada hadleen sidii wax looga qaban lahaa xaalada  bini’aadannimo iyo amaanka waxaana sidoo kale kulankooda looga hadlay dagaaladii ka dhacay magaalada Kismaayo ee xarunta Jubada Hoose iyo sidii gargaar loogu fidin lahaa dadkii ku dhaawacmay.

War-saxaafadeed ka soo baxay xafiiska AMISOM ayaa waxaa lagu sheegay in AMISOM ay wax ka qaban doonto inta karaankeeda ah xaalada bini’aadannimo iyo sugida amaanka joobaha ay ku sugan yihiin ciidankooda.

no images were found

Wasiir ku xigeenka Warfaafinta ee DFS ayaa ku eedeeyey dowlada Kenya ee qeybta ka ah howlgalada AMISOM in ay dhexdhexaad ka ahayn dagaaladii ka dhacay Kismaayo balse warsaxaafadeedka ka soo baxay dowlada Kenya ayaa iska fogeeyey in ay ciidankooda qeyb ka ahaayeen dagaaladii ka dhacay Kismaayo

C/Casiis Maxamed
Halgan.net