Dhaawacyo saaka laga duuliyey Kismaayo oo la geynayo magaalada Gaalkacyo

Kismaayo:-Waxaa maanta mar kale laga duuliyey magaalada Gaalkacyo ee xarunta Gobolka Mudug ilaa 30 qof oo rayid ah oo qaba dhaawacyo ka soo gaareen dagaalkii ka dhacay saddexdii maalmood  ee u dan baysay magaalada Kismaayo ee xarunta Gobolka Jubada Hoose. Diyaarad gaar ah oo saaka timid magaalada Kismaayo ayaa waxaa lagu qaaday dhaawacyadaan iyadoo la filayo in adeegyo caafimaad loogu sameeyo magaalada Gaalkacyo ee xarunta Gobolka Mudug

Garoonka diyaaradaha ee magaalada Gaalkacyo ayaa waxaa hadda ku sugan masuuliyiinta Gobolka Mudug ee Puntlland iyo saraakiil ciidan. Ma ah dhaawicii ugu horeeyey ee laga qaado garoonka magaalada Kismaayo waxaan shalay loo duuli yey dhaawacyo gaaraya ilaa 54 qof magaalada Muqdisho oo iyagana loogu samayn doono adeeg caafimaad.

Dowllada Federaalka Soomaaliya  iyo Madaxda Puntlland ayaa dhowr jeer oo hore iska weeraray Idaacadaha iyagoo ku sii kala fogaaday  dagaalada iyo qaab siyaasadeedka loo maaraynayo dhismahamaamulka gobollada Jubooyinka.

Cabdi Yare
Kismaayo