Ciidamo ka tirsan DFS oo ku dagaalamay Deegaanka Ceelcade ee gobalka Sh/Dhexe.

Ceelcade:-Wararka ka imaanaya  Deegaanka Ceelcade ee Gobalka Shabeelaha Dhexe, ayaa sheegaya in maanta dagaal culus uu ku dhexmaray deegaanka Ceelcade ciidamo ka wada tirsan DFS waxaana uu dagaalku sababay khasaaro leh dhimasho iyo dhaawac.

Dad goobjoogayaal ah oo ku dhaqan deegaanka Ceelcade ayaa sheegay in uu dagaalku bilaawday  ka dib markii ciidamo ka tirsan Dowladda iyo saraakiil horkacayey ay damceen inay qaadaan isbaaro  u taalay  Ceelcade ciidamo ka tirsan Dowladda federaalka Soomaaliya.

Wararka ayaa sheegaya in ciidamadii Isbaarada u taalay ay diideen in ay  qaadaan  isbaarada waxaana halkaas ka dhacday dagaal mudo socday waxaana ku dhintay 7 askari oo ka tirsan DFS dhaawaca ayaa la sheegay in uu intaas ka badan yahay.

Ma ah markii ugu horeysay ay ciidamo ka tirsan DFS ku dagaalamaan Isbaaro ay ku qaadaan lacago baad ah oo ay shacabka ku dhibaateeyaan

A/Cawale
Halgan.net