Ciidanka Puntland oo howl galo ka wada magaalooyinka waaweyn.[Dhagayso]

Garoowe:-Taliyaha ciidanka Booliska Puntland Gen.Maxamed Siciid Jaqanaf oo waraysi gaar ah siiyey Radio Garowe ayaa sheegay in ciidanka amniga dowladda Puntland ay howl galo ka wadaan magaalooyinka kale duwan ee Puntland si loo sugo amaanka loogana hortago weeraro la sheegayo in ay doonayaa Al-shabaab in ay ka fuliyaan Puntland.

Taliyaha ciidanka Booliska Puntland Gen.Maxamed Siciid Jaqanaf ayaa waxaa uu xusay in howl galo ay ciidanka sameeyeen lagu ogaaday wax badan dad badan oo la qabtayna ay ku cadaadeen in ay gacanta kula jieen falal lid ku ah amaanka Puntland halka qaar kale weli ay ku socdaan baaritaano.

Taliyaha ciidanka Booliska Puntland Gen.Maxamed Siciid Jaqanaf ayaa xalay ku sugnaa magalada Qardho  isagoo isla maanta tegay degmada Carmo ee gobolka bari si taliyaasha ciidanku isku dhaafsadaan warbixino si isku duuban looga hortago cid walba oo doonayso in ay khalkhal ku abuurto amniga iyo nabadgelayad Puntland.

Waraysiga uu bixiyey Taliyaha ciidanka Booliska Puntland Gen.Maxamed Siciid Jaqanaf ayaa waxaa ay ku soo beegmaysaa xili shalay ciidanka Booliska Boosaaso ay soo bandhigeen xubno ka mid ah ururka Al-shabaab oo qarax miino oo ay ku weerari lahaayeen ciidanka amniga Boosaaso uu ka fashilmay ka dibna ay ciidanku soo qabteen.

Hoos ka Dhagayso waraysiga Taliyaha ciidanka Booliska Puntland Gen.Maxamed Siciid Jaqanaf

Halkaan ka Dhagayso Mp3

M_M_Deeq
Halgan.net