Madaxweynaha dowlada Puntland oo gaaray Burtinle kuna sii jeeda magaalada Gaalkacyo

Burtinle:-Madaxweynaha dowlada Puntland Dr.Cabdiweli Maxamed Cali Gaas ayaa saaka socdaal kormeer ah wuxuu ugu ambabaxay gobalka Mudug waxaana madaxweynaha uu ku sii hakaday Degmada Burtinle wuxuuna halkaas ku soo dhaweeyey bulshada kala duwan ee Degmada Burtinle.

Madaxweynaha dowlada Puntland ayaa waxaa uu sidoo kale uu la kulmay waxgaradka Degmada Burtinle ee gobalka Mudug waxaana ay ka wada hadleen horumarka Degmada Burtinle iyo amaanka guud ee gobalka Mudug.

Dr.Cabdi weli Maxamed Cali Gaas ayaa waxaa uu booqday xarumaha dowlada sida xarumaha ciidanka Daraawiishta,kuwa Booliska waxaana sidoo kale uu Madaxweyne Gaas uu booqday xarumaha waxbarashada iyo xarumaha Caafimaadka Burtinle.

Madaxweynaha Puntland Dr.Cabdiweli Gaas ayaa ku hoyan doona caawa Degmada Burtinle ee gobalka Mudug waxaana uu maalinta birito ah  uu Madaxweyne Gaas la filayaa in uu gaaro magaalada Gaalkacyo ee xarunta gobalka Mudug.

Dhanka kale amaanka magaalada Gaalkacyo ee xarunta gobalka Mudug ayaa si weyn loo adkeeyey waxaana gaaray ciidamo tiro badan oo ka tirsan Madaxtooyada Puntland iyo kuwa PIS-ta waxay baro ciidan ka sameysteen gudaha magaalada Gaalkacyo.

Dadweynaha ku dhaqan gobalka Mudug ayaa aad u sugaya waxqabadka ay la timaado dowlada uu madaxweynaha u yahay Dr.Cabdiweli Maxamed Cali Gaas iyaga oo ka cabanaya waxqabad la,aan dhan walba ah

M_M Deeq

Halgan.net