Ciidamada DFS iyo kuwa AMISOM oo la wareegay Degmada Jalalaqsi ee Gobalka Hiiraan

Hiiraan:-Ciidamada DFS iyo kuwa AMISOM ayaa maanta waxay la wareegeen gacan ku haynta Degmada Jalalaqsi ee Gobalka Hiiraan.waxaana halkaas isaga baxay kooxda Al-Shabaab oo sanado dhowr ah gacanta ku heysay Degmada Jalalaqsi

Ciidanka DFS iyo kuwa AMISOM ayaaa waxay ka dhaqaaqeen deegaanka Fiidow waxaana ciidanka horkacayey Abaanduulaha ciidamada DFS Jen. C/risaaq Khaliif Cilmi wuxuuna sheegay in sii socon doonaan howlgalada Badweynta Hindiya ee ka dhanka ah kooxda Al-Shabaab.

Degmada Jalalaqsi ayaa waxay ka mid tahay Degmooyinka ugu waaweyn ee Al Shabaab ay ka joogeen Gobalka Hiiraan waxaana si nabad galyo ah ula wareegay ciidanka DFS iyo kuwa AMISOM waxaa kale oo ay wararka ugu danbeeyey ee ka imaanaya gobalka Hiiraan ay sheegayaan in ciidanka DFS iyo kuwa AMISOM ay qabsadeen deegaanka Halgan sida uu warbaahinta u sheegay sarkaal ka tirsan Ciidanka DFS oo ku sugan Degmada Buulo burde.

A/Cawale
Halgan.net