Jaaliyadda Puntland ee gobolka Sindh ee dalka Pakistan oo doortay Hogaan cusub

Karachi:-Waxaa maanta ka dhacday dalka Pakistan gaar ahaan gobolka Sindh magaalo madaxdiisa Karachi doorashada gudoomiyaha Jaaliyada Puntland ee gobolka Sindh, doorashadaan oo sanadkiiba mar ay qabsato Jaaliyadu ayaa ahayd mid aad loo soo agaasimay ayna kasoo qayb galeen dhammaan jaaliyada qaybaheeda kala duwan sida family-yada, ardayda, ganacsatada iyo marti sharaf ka mid ah soomaalida ku dhaqan gobolka.

Doorashadaan ayaa waxay timid ka dib markii gudoomiyihii hore ee jaaliyada uu xilkiisii dhamaaday Mr.Liibaan Maxamed Cali (TAACI) waxaana xilka gudoomiyenimo ee jaaliyada isu soo taagay sadex musharax oo kala ah Faarax Cali Guuleed, Maxamed Yuusuf Cali (Xidig) Iyo Ayuub Cabdi Khaliif.

Waxaana tartan dheer oo galay saddex wareeg ka dib ku guulaystay xilka gudoomiyenimada Jaaliyadda reer Puntland ee gobolka Sindh Mr.Faarax Cali Guuleed isaga oo hogaamin doona jaaliyada mudo sanad ah.

Waxaa mahadnaq gaar ah mudan gudigii qaban qaabada doorashada oo si weyn u soo agaasimay xafladii doorashada, gudigan ayaa kala ahaa Mr.C/qani Xamse (BBC), Mr.C/kariim Maxamed Layloon iyo Mr.Maxamud Shire Warmajaale.

Dalka Pakistan  ayaa waxa ay ka mid tahay meelaha ay ku badan tahay Jaaliyada reer Puntland gaar ahaan gobolka Sindh, Gobolkaan ayaa waxaa ku nool jaaliyad iskugu jirta Arday iyo Qoysas kuwaas oo mar walba yeesha hogaan mideeya laguna yaqaan isku xirnaan iyo isku duubni joogto ah.

Halgan.net