.gif)
Mu’addin Wardi Saalax oo xalay lagu dilay magaalada Beledweyne ee xarunta Gobolka Hiiraan
September 30, 2014 - Written by Editor
Hiiraan:-Waxaa allaha u naxaiistee xalay lagu dilay Xaafadda Howl-wadaag ee magaalada Beledweyne ee xarunta Gobolka Hiiraan Wardi Saalax oo mu’adin ka ahaa mid ka mid ah masaajida magaalada xili uu ku sii jeeday gurigiisa oo ku yaal isla xaafadda Howl wadaag. Allaha u naxariistee Wardi Saalax ayaa waxaa dilay ragg ku hubaysan bistoolado ka dibna goobtii ay ku dileen ka baxsaday, ilaa hadda lama garanayo gacan ku dhiiglayashaa sababta ay u dileen Wardi Saalax.
Goobta dilka uu ka dhacay ayaa waxaa soo gaaray ciidamo ka tirsan maamulka magaalada Beledweyne waxaan ay bilaabeen howl galo ay ku raadinayaan cid fulisay dilka Allaha u naxariistee Wardi Saalax oo dadka reer Beledweyne ay aad uga naxeen.
Dilka Wardi Saalax ayaa waxaa ku soo beegmayaa ka dib markii Isla magaalada Beledweyne gaar ahaan xaafadda Howl-wadaag lagu dilay labo maalin ka hor Guddoomiyihii deegaanka Buq-goosaar Aadan Maxameded Aadan.
A/cawaale
Halgan.net
