Ku simaha Safiirka Dawladda Qadar ee Soomaaliya Xassan Xamze oo Garoowe soo gaaray.[Masawiro].

Garoowe:-Ku simaha Safiirka Dawladda Qadar ee dalka Soomaliya Xassan Xamze oo maanta magaalada Garoowe ee Caasimada Puntland si weyn loogu soo dhoweeyey. Waxaa maanta magaalada Garoowe ee Caasimada Puntland si wanaagsan loogu soo dhaweeyey ku simaha Safiirka Dawladda Qadar ee Soomaliya Xassan Xamze iyo wafti uu hogaaminayey oo booqasho rasmi ah ku yimi Puntland.

Soo dhaweynta wafdiga ka socday Dawladda Qadar waxaa Garoonka diyaaradaha ee Magaalada Garoowe kaga qeyb qaatay Wasiiro katirsan xukuumada Puntland ,Waxgarad ,Haween iyo dhalinyaro ku labisanaa Calamada Puntland,Soomaliya iyo kan Dawladda Qadar iyo Saraakil katirsan Madaxtooyada Dawladda Puntland.

Intaas ka dib ayaa wafdiga waxaa loo soo gudbiyey Madaxtooyada Dawladda Puntland ee Garoowe waxana halkaasi si kal iyo lab ah ugu soo dhaweeyey wafdiga Madaxweynaha Dawladda Puntland Dr.Cabdiweli Maxamed Cali Gaas.

Madaxweynaha Dawladda Puntland Dr.Cabdiweli Maxamed Cali Gaas ayaa ku simaha Safiirka Dawladda Qadar ee Soomaliya Xassan Xamze iyo wafdiga la socday uga mahadceliyey booqashada ay Puntland ku yimaaden .

Xassan Xamze ayaa ugu dambeyn dhankiisa ka mahdceliyey sida loogu soo dhaweeyey Puntland isagoona si gaar ah ugu Mhadceliyey Madaxweyne Gaas.

no images were found

–DHAMMAAD-
Xafiiska Warfaafinta,Wacyigelinta,Hiddaha iyo Dhaqanka ee Madaxtooyada Puntland.