Ku simaha Safiirka Qadar ee Soomaaliya oo xalay casho-sharaf loo sameeyay.[Masawiro]

Garoowe:-Madaxweyne ku xigeenka Dawladda Puntland Eng. Cabdi xakiim C/laahi Xaaji Cumar Camey ayaa xalay Magaalada Garoowe ee Caasimada Puntland kaga qeyb galay xaflad balaaran oo lagu soo dhaweynayey ku simaha Safiirka Qadar ee Soomaliya Xassan Xamze iyo wafdi uu hogaaminayey oo soo gaaray Puntland.

Ku simaha Safiirka Qadar ee Soomaliya Xassan Xamze iyo xubnihii la socday waxa ay ku sugnaayen madasha ay ka socotay Xaflada loo sameeyey.

Xaflada casho sharafta ayaa waxaa sidookale ka soo qeyb galay Wasiiro katirsan xukuumada Puntland ,Xildhibaano,Isimo ay qeyb ka ahaayen Islaan Ciise Islaan Maxamed iyo suldaan Siciid Maxamed Garaase iyo marti sharaf kale.

Bilowga xaflada ayaa waxaa Goobta lagu soo bandhigay waxqabadkii ugu muhiimsanaa ee Dawladda Qadar ay ka fulisay gudaha Puntland waxana soo bandhigay Qatar Charity,waxqabadkaasina waxaa kamid ahaa sidii ay ugu gurmadeen shacabka Puntland gaar ahaan kuwii ay saamaysay Dufaanti ku dhufatay qeybo kamid ah Gobolada Puntland.

Madaxweyne ku xigeenka Dawladda Puntland Cabdixakiim C/laahi Xaaji Cumar Camey ayaa Dawladda Qadar ku amaanay sidii ay shacabka Puntland ugu soo gurmadeen xiligii adkaa,sidookalana waxa uu ka dalbaday in ay sii laba jibaaraan dadaalada horumarineed ee ay ka wadaan Puntland.

Gabagabdii Munaasibada ayaa Madaxweyne ku xigeenka Puntland waxa uu ku simaha Safiirka Qadar ee Soomaliya Xassan Xamze gudoonsiiyey Shahaado Sharaf ay Puntland ugu talagashay Dawladda Qadar .

no images were found

-DHAMMAAD-