Maamulka Mu’asasada Al-Minhaaj ee Mudug iyo Ducaada Gaalkacyo oo Safar Dacwo ku tagay Galdogob(Masawiro)

Galdogob:-Safarkaan oo ay ujeedadiisu ahayd u kuurgalida Xaalada Dacwada ee Degmada Galdogob ayaa waxaa qayb ka ahaa :-1-Dr.Aadam Muxamed Cigaal : Gudoomiyaha Shuurada ee Mu’asasada Al-Minhaaj ( Mudug) ahna Gudoomiyaha Jaamacada Bariga Afrika (Gaalkacyo).
2-Gudoomiyaha Mu’asasada Al-Minhaaj (Mudug) Muxamed Siciid Muuse.
3- Macalin C/wali Jaamac Gaani.Gudoomiyaha Maktabka Haweenka ee Al-Minhaaj (Mudug)
4-Gudoomiyaha Maktabka Dhalinyarada iyo Warfaafinta C/raxmaan C/nuur C/laahi iyo Gudoomiyaha Laanta Dhalinyarada Maxamuud C/rashiid Jaamac.
5-Macalin C/naasir Yuusuf (Cabdinaasir Cadde) Imaamka Masjidka Ramadaan kana mid ah Maktabka Dacwada ee Minhaaj (Mudug).
6-Gudoomiyaha Maktabka Tacliinta ahna Hormuudka Kuliyada Shareecada ee Jaamacada Bariga Afrika (Gaalkacyo) Ustaad Badal Maxamuud Sugule.
7-Axmed Yuusuf Sh.Maxamuud Jaamici kamid Ducaada Gaalkacyo Iyo Rag kale.
Wafdiga ayaa waxaa lagusoo dhaweeyay Magaalada waxaana Subaxdii Hore ee Jimcaha ay Kulan Saacado qaatay la yeesheen Ducaadda Galdgob , Gudoomiye kuxigeen Al-Minhaaj (Puntland) Ciise Siciid Muxamed , Culimo ay kamid yihiin Sh.Maxamed Macalin Axmed iyo Sh.Faarax Muxamed Cajab , iyo Wafdi Culimo ah oo Bursaalax ka yimid waxaana Halkaas laysku dhaafsaday Xogo iyo Talooyin wax ku oola.
Saaladii Jimcaha waxaa ay Wafdigu ku tukadeen Masjidka Jaamica ee Magaalada Galdogob waxaa Khudbadii Jimcaha oo ku saabsanayd Tilmamaha Mutaqiinta (Mu’miniinta) Akhrinayay Sh.Muxamed Macalin Axmed.

Galinkii Danbe qaybtiisii hore waxaa ay Ducaaddu u bexeen Meelaha Doogga ah iyo Baliyada Degmada waxaana halkaasi ay ku yeesheen Kulamo ay uga wada hadlayeen sidii Dacwada kor loogu qaadi lahay , Dadkana loo wacyi galin lahaa.

Galabtii waxaa ay ka qayb galeen Xaflada lagu Daahfurayay Mu’asasada Al-Minhaaj Galdogob ayna kasoo qayb galeen Gudoomiye kuxigeenka Mu’asasada(Puntland) Ciise Saciid Muxamed , Gudoomiyaha Al-Minhaaj (Mudug) Maxamed Siciid Muuse , Gudoomiyaha Al-Minhaaj (Galdogob) Sh.Axmed Faarax Muxamed (Axmed Dheeli) , Madaxda Dawlada Puntland , Gudoomiyaha Gobolka Mudug Muxamed Yuusuf Jaamac Tigey , Gudoomiye ku xigeenka Degmada Galdagob Ismida Dhaqanka , Nabadoono , Dhalinyaro iyo Haween , waxaa halkaasi ka hadlay Culimada Sh. Mahad Cabdulaahi , Sh.Muxamed Macalin Axmed , Sh.Faarax Muxamed Cajab iyo Sh. Muuse yuusuf Xaaji oo Magaalada Bursaalax ka yimaaday.

no images were found

Waxaa Daahfuray Mu’asasada Al-Minhaaj (Galdogob) Sh.Muxamed Macalin , Muxamed Yuusuf Jaamac Tigey , Gudoomiye kuxigeen Galdogob C/risaaq Axmed Toox Yare , iyo Cabdulaahi Cali Ducaale Wasiirka Wasaarada xanaanada Xoolaha.

C/raxmaan C/nuur C/laahi
Madaxa Warfaafinta Mu’asasada Al-Minhaaj (Mudug)