Madaxweynaha PL oo maanta Degmada Galdogob kaga qaybgalay Aaska Ugaas Axmed Ugaas Maxamed [Masawiro]

Galdogob :-Madaxweynaha Dawladda Puntland Dr.C/weli Maxamed Cali Gaas ayaa maanta Degmada Galdogob ee Gobolka Mudug kaga qeyb galay aas qaran oo loo sameeyay Ugaaskii Guud ee Beesha Tanade Daarood (Leelkase) Marxuum Ugaas Axmed Ugaas Maxamed Cali Geesood oo shalay ku geeryooday Degmadaasi.

Salaadiinta dhaqanka ee Puntland iyo masuuliyiin kale oo ka kala socday Qaar kamid ah Maamulada Dalka iyo dadweyne kale ayaa iyana ka qeyb galay aaska qaran ee maanta loogu sameeyey Degmada Galdogob Marxuum Ugaas Axmed Ugaas Maxamed Cali Geesood.

Madaxweynaha Dawladda Puntland Dr.Cabdiweli Maxamed Cali Gaas ayaa tukashada salaada janaasada kadib khudbad uu jeediyey shacabka Soomaaliyeed uga tacsiyeeyey Geerida ku timi Ugaas Axmed Ugaas Maxamed Cali Geesood isagoona Alle uga baryey in janadii Fardowsa uu ka waraabiyo.

‘’Waxaan tacsi u diraya sidookale Beeshi uu ka baxay ,waxaan sidookale tacsi u diraya dadka reer Puntland meelkasta oo ay joogaan oo Ugaaskoodu ahaa Ugaas Puntland ‘’Sidaasi waxaa yiri Madaxweyne Gaas.

Allaha unaxariistee Ugaas Axmed Ugaas Maxamed Cali ayaa ahaa ugaaskii guud ee beesha Tanade Daarood ee Laylkase wuxuuna uu ka mid ahaa Isimadii waaweynaa ee wax ka dhisay dawlada Puntland.

no images were found

-DHAMMAAD-
 Xafiiska Warfaafinta,Wacyigelinta,Hiddaha iyo Dhaqanka ee Madaxtooyada Puntland.