Madaxweyne PL oo Madaxtooyada Puntland ku qaabilay Madaxa Xafiiska UN-HAPITAT ee Soomaliya

Garoowe:-Madaxweynaha Dawladda Puntland Dr.C/weli Maxamed Cali Gaas ayaa Maanta Xarunta Madaxtooyada dawladda Puntland ee Garoowe ku qaabilay Madaxa Xafiiska UN-HAPITAT ee Soomaliya Mr.Dragan Tatic.

Madaxweynaha Dawladda Puntland Dr.Cabdiweli Maxamed Cali Gaas ayaa kullan gaar ah Xafiiskiisa Madaxtooyada Puntland ee Garoowe kula qaatay Dragan Tatic ,waxana ay kawada hadleen dhamaystirka jidadka horumarineed ee laga hirgalinayo Magaalada Boosaaso ee Xarunta Ganacsiga Dawladda Puntland .

Sidookale waxa ay kawada hadleen dhisida guryo ay degaan Barakacayaasha ku nool Magaalada Boosaaso  dhismahaasina waxa uu qeyb ka yahay Mashruuca JPLG oo hay’adda UN-HAPITAT iyana gacan ka geysato hirgelinta Barnaamijkaas.

Madaxweyne Gaas iyo Mr.Dragan Tatic ayaa si wadajir ah u tilmaamay in muhiim ay tahay Horumarinta Biyaha iyo Faya dhowrka ,xukuumada Puntland ayaa dadaal dheer ugu jirto helida adeegyada asaasiga ah oo dhameystiran.

-DHAMMAAD-

Xafiiska Warfaafinta,Wacyigelinta,Hiddaha iyo Dhaqanka ee Madaxtooyada Puntland.