Mooshin ka dhan ah Raisulwasaaraha DFS oo loo gudbiyey golaha Baarlamaanka

Muqdisho:-Wararka saaka naga soo gaaraya magaalada Muqdisho ayaa sheegaya in Mooshin ka dhan ah Ra’iisul Wasaaraha Soomaaliya C/wali Sh.Axmed goor dhow loo gudbiyay Gudoonka Baarlamaanka DFS. Ilo wareed ku sugan magaalada Muqdisho ayaa u sheegay Halgan.net in  saaka mooshin laga gudbiyey xukuumada Raisulwasaare Cabdi Weli Sheekh Axmed waxaana tirada Mooshinka gudbisay lagu sheegay in ka badan 100 xildhibaan oo ay ku jiraan wasiiro ka tirsan DFS.

Khilaafka u dhexeya madaxada DFS ayaa maraya meeshii ugu xumeyd waxaana fashil ku dhamaaday dhexdhexaadin ay QM iyo IGAD ka dhexwaday madaxada sare ee DFS.

Xildhibaanada ka tirsan DFS ayaa ka wada magaalada Muqdisho kulamo gaar gaar ah kaas oo ay ku kala taageerayaan Madaxweynaha DFS Xasan Sh Maxamuud iyo Raisulwasaare cabdiweli Sheekh Maxamed.

Magaalada Muqdisho ayaa shalay iyo maanta waxaa soo gaaray xildhibaano ka tirsan DFS oo dalka dibada uga maqnaa si ay uga qeyb qaataan Mooshinka ka dhanka ah xukuumada  Raisulwasaare Cabdi Weli Maxamed

Madaxweynaha DFS ayaa waxaa lagu eedeeyay in uu gadaal ka riixayo mooshinka lagu ridayo Raisulwasaaraha DFS Cabdi weli Sh .

A/Cawale
Halgan.net