Radio Daljir oo cambaareeysay dilkii Warye Cabdirisaaq Cali Cabdi Silver (War-saxaafadeed)

Gaalkacyo:-Agaasimaha Guud ee Radio Daljir Axmed Sh Maxamed Tallman ayaa warsaxaafadeed uu soo saaray ku sheegay inay cambaaraynayaan dilka axmaqnimada ah ee loo geystey Wariye Silver oo kamid ahaa Wariyayaasha lafdhabarta u ah Saxaafadda Soomaaliyeed gaar ahaana Radio Daljir oo uu ka hawlgalayey sanadihii u danbeeyey.

Warsaxaafadeedka ayaa Dawladda Puntland looga codsaday inay si deg deg ah usoo qabato dhagar qabayaashii dilka u geystey Wariye Cabdirisaaq Cali Cabdi (Silver

War-saxaafadeed Innaa lilaahi wa innaa ileyhi raajicuun!

Anigoo ku hadlaya macaga Radio Daljir maamul iyo shaqaalaba waxaan tacsi tiiraanyo leh u dirayaa ehelkii, qaraabadii iyo asxaabtii uu ka geeriyooday C/risaaq Cali Cabdi “Silver” oo ka tirsanaa wariyeyaasha Radio Daljir oo xalay fiidkii lagu dilay magaalada Galkacyo.

Waxaan si buuxda u cambaaraynayaa dilkaas naxdinta leh oo ay geysteen dhagar- qabayaal dhiigyo cab ah, kuwaas oo marxuunka rasaas ku furay xilli uu fadhiyey baar lagu caweeyo oo ku yaalla magaalada Galkacyo.

Marxuunku wuxuu Radio Daljir u shaqaynayey muddo afar sano iyo bar ah, wuxuuna ifka kaga tagay xaas iyo labo carruur ah.
Maamulka Radio Daljir wuxuu ka codsanayaa dawladda Puntland in si deg deg loo soo qabto dhagar-qabayaashii gey stay dilkaas foosha xun si ay caddaaladda u wajahaan!

Dhammaad

Axmed Sheikh Maxamed “Tallman”
Ag. Guud ee Radio Daljir