Baarlamaanka DFS oo maanta codka kalsoonida u qaadaya Xukuumadda DFS

Muqdisho:-Baarlamaanka DFS ayaa waxaa maanta la filayaa in uu codka kalsoonida u qaado Xukuumadda DFS ee uu dhawaan soo dhisay Ra’iisul Wasaaraha DFS Cumar C/rashiid Cali Sharma’arke .

Golaha Wasiirada cusub ee uu dhawaan soo dhisay Ra’iisul Wasaare Cumar Cabdirashiid Cali Sharmaarke ayaa waxaa ay ka kooban yihiin 20-Wasiir oo aan ku jirin Wasiiro ay aad isigu dhawaayeen Madaxweynaha DFS Xasan Sh Maxamuud .

Ra’iisul Wasaaraha DFS Cumar C/rashiid Cali Sharma’arke ayaa khudbad ka jeedin doona Golaha Baarlamaanka DFS isaga oo soo bandhigi doona barnaamijka xukuumadiisa ka dibna waxaa ka doodi doona xildhibaanada DFS waxaana intaas ka dib ay cod u qaadi doonaan xukuumada cusub ee DFS.

Gudoonka baarlamaanka DFS ayaa shalay iyo xalay ku wargaliyey xubnaha baarlamanka DFS inay soo xaadiraan xarunta golaha shacabka si ay codka kalsoonida ugu qaadaan Xukuumada cusub ee uu soo dhisay Sharmaarke.

A/Cawale
Halgan.net