Ciidamada ammaanka ee gobolka Nugaal oo gacanta ku dhigay Khamri (Masawiro)

Garoowe:-Ciidamada ammaanka ee gobolka Nugaal ayaa maanta saxaafada u soo bandhigay maandooriyaha ay ka mid tahay Khamri waxaana gacanta lagu dhigay laba nin oo watay.

Khamriga ay gacanta ku dhigeen ciidanka Ciidanka ayaa waxaa laga keenay dhanka Itoobiya waxaana ciidanka gobalka Nugaal sidoo kale ay gacanta ku dhigeen laba qof oo shacab ah oo laga shakiyey iyo laba gaari oo nooca raaxada ah

Taliyaha qaybta booliska ee gobolka Nugaal Axmed G/sare Cabdullaahi Samatar (Layli) ayaa goob fagaare ah kula hadlay warbaahinta wuxuuna sheegay in shacbka gobalka Nugaal ay ciidanka kusoo wargeliyeen gawaarida sidey Khamrigaan markii ay ciidanka ku baxeena ay isku dayeen raga Khamriga waday in ay baxsadaan balse gacanta lagu soo dhigay.

Musfidiinta Khamriga waday ayaa lacag Laaluush ah u soo bandhigay ciidankii gacanta ku dhigay taas oo dhameyd 2,000$ balse waxaa diiday askartii howlgala fuliyey.

Taliyaha qaybta booliska ee gobolka Nugaal Axmed G/sare Cabdullaahi Samatar ayaa ka codsaday madaxada iyo saraakiisha sare ee Puntland in abaal marin iyo dalacsiin lagu abaal mariyo askartii howlgaladaa fuliyey.

no images were found

G/sare Cabdullaahi Samatar Taliyaha qaybta booliska ee gobolka Nugaal Axmed ayaa ugu mahad celiyey dadweynaha ku dhaqan gobalka Nugaal sida ay ciidanka ku soo wargaliyeen wuxuuna uga digay kuwa Maandooriyaasha soo gali Puntland isaga oo xusay in ciqaab adag la marin doono cid walba oo lagu qabto Maandooriyaal.

M_M Deeq
Halgan.net