Ciidanka Amaanka ee Jubaland oo qabtay 10 qof ka dib howgalo ay ka sameeyeen Kismaayo

Kismaayo:-Wararka naga soo gaaraya magaalada Kismaayo ee xarunta gobalka J/hoose ayaa sheegaya in ciidamada amaanka ee Maamulka J/land ay xalay gacanta ku dhigeen 10 qof oo lagu eedeeyey in ay ka tirsan yihiinAl-Shabaab ayna wax ka ogaayeen qarax shalay ka dhacay Kismaayo.
Qaraxa ka dhacay Xaafada Guule-wade shalay ayaa waxaa ku dhintay laba askari oo ka tirsan ciidanka Maamulka Jubbaland.

10 qof oo ay gacanta ku dhigeen ciidanka amaanka ee Maamulka J/land ayaa waxaa lagu xiray xarunta nabad sugida ee magaalada Kismaayo.

Col. Cabdifitaax Macalin Nuur oo kamid ah Saraakiisha ciidamada Maamulka J/land ayaa sheegay in ay wareysi iyo baaritaano wadaan wuxuuna sheegay in howlgalo ay ka socdaan magaalada Kismaayo xaafadaheeda kala duwan.

Cabdi Yare
Kismaayo