Guddoomiyaha degmada Xudur oo sheegay in ay la wareegeen deegaanka Abag-beedey

Xudur:-Ciidanka DFS ayaa waxaa ay dagaal kula wareegeen gacan ku haynta deegaanka Abag-beedey oo 20 km dhinaca waqooyi-galbeed ka jira degmada Xudur, halkaas oo kooxda Al-Shabaab ku dhibaateyn jireen gawaarida u kala gooosha gobalka Bay iyo Bakool.

Maxamed Macallin Axmed  oo ah Guddoomiyaha degmada Xudur oo la hadlay warbaahinta ayaa sheegay in ciidanka DFS ay la wareegeen deegaanka Abag-beedey  wuxuuna sheegay in ay Al-Shabaab ka dileen 10 askari.

Guddoomiyaha degmada Xudur ayaa mar uu ka waramayey khasaaraha dhankooda gaaray wuxuu sheegay in dhowr askari ay  ka dhaawacmeen .

Ciidanka DFS oo kaashanaya kuwa AMISOM ayaa howlgalo ka dhan ah Al-Shabaab ka wada deegaano ka tirsan gobalka Bakool.

A/Cawale
Halgan.net