Hay,ada gargaarka SAAD dib u furtay ceel biyood mudo badan ciladaysanaa (Masawiro)

Jigjiga:-Hay,ada gargaarka iyo horumarinta deegaanka somalida itoobiya ee SAAD ayaa dib u furtay ceel wayn oo riig ahaa ee mudo sanad ahba ciladaysanaa

Ceelkan ayaa wuxuu ku yaalada agagaarka tuulada harre oo ka tirsan dagmada jigjiga waxaana ka faa,idaysan jiray bulsho aad u badan oo ku nool miyiga dagmada jigjiga gaar ahaan tuulada harre .

Wafdi uu horkacayay maareeyaha hay,ada SAAD ee jigjiga mudane maxamed ayanle daahir kana mid yihiin xubno ka tirsan waaxyaha biyaha,warbaahinta iyo loojistikada hay,ada SAAD iyo xafiiska biyaha iyo waliba injineerkii dayac tiray ceelka injineer carab xusen ayaa shalay galab socdaal tijaabo ah ku gaadhay ceelkan.

Ceelkan oo halkii il biriqsiba soo tuuraya 7ltr oo biya ah ayaa waxaa la filaya in uu dabooli doono baahida biyood ee dadka iyo duunyada ku dhaqan tuuuladaas iyo agagaarkeedaba.

no images were found

Bulsho aad u tiro badan oo ka soo qayb gashay tijaabadii ceelka ayaa farxad iyo mashxarad ku soo dhaweeyay wafdigii ka socday hay,ada SAAD iyo xafiiska biyaha ee dagmada jigjiga.

Waxaa maalmahan soo socda la filaya in ceelkan si rasmi ah xadhiga looga jari doono laguna wareejin doono xafiiska biyaha ee DDSI .

Hay,ada gargaarka iyo horumarinta SAAD
Jigjiga
Halgan.net