Kooxda Shiicada xuutiyiinta oo la wareegay xarunta Madaxtooyada dalka Yemen.

 Yemen:-Kooxda Shiicada Xuutiyiinta ayaa gabi ahaan la wareegay xarunta Madaxtooyada ee dalka Yemen ka dib markii saraakiil ka tirsan Madaxtooyada dalka Yemen oo daacad u ahaa Madaxweynihii hore ee dalka Yemen Cali Cabdalla Saalax ay gacan saar la yeesheen Xuutiyiinta.

Saleh al-Jamalani Taliyaha ciidamada ilaalada  madaxtooyada dalka Yemen ayaa u xaqiijiyey warbaahinta caalamka in kooxda Shiicada Xuutiyiinta oo ay gadaal ka riixayaan Xisbiga Mutamarka Al-Shacbii ee Cali Cabdalla Saalax ay la wareegeen oo ay afgambiyeen dowladii Yemen.

Taliyaha ciidamada ilaalada  madaxtooyada dalka Yemen ayaa sheegay in xiligii weerarka ay ku qaadeen kooxaha Shiicada ee Xuutiyiinta xarunta Madaxtooyada dalka Yemen uusan mdaxweynaha dalka Yemen Cabdurab Mansuur Haadi  uusan ku sugneyn xarunta.

Taliyaha ciidamada ilaalada  madaxtooyada dalka Yemen Jen Saleh al-Jamalani ayaa sheegay in kooxda xuutiyiinta ay  bililiqo ku hayaan madaxtooyada dalka Yemen isaga oo khiyaamo ku tilmaamay Inqilaabka ka dhacay dalka Yemen mar uu wareysi siiyey warakalada wararka ee AP.

A/Cawale
Halgan.net