Madaxweynaha dowladda Puntland oo dib ugu soo laabtay magaalada Garoowe[Masawiro]

Garoowe:-Madaxweynaha Dawladda Puntland Dr.Cabdiweli Maxamed Cali Gaas oo 21-1-2015 safar shaqo ugu ambabaxay magaalo ganacsiyeedka Puntland ee Boosaaso ayaa maanta dib ugu soo laabtay magaalada Garoowe ee caasimada dawladda Puntland.

Madaxweyne Gaas iyo wafdigii uu hogaaminayey oo ka soo degay garoonka diyaaradaha ee magaalada Garoowe ayaa waxaa si diiran u soo dhaweeyey Madaxweyne ku xigeenka dawladda Puntland Cabdixakiim Cabdulaahi Xaaji Cumar Camey, Wasiiro, Xldhibaano, Saraakil katirsan madaxtooyada Puntland iyo masuuliyiin kale.

Waxaa iyaguna ka qab qaatay soo dheweynta Madaxweynaha Dawlada Puntland haween iyo dhalinyaro ku labisanaa dhar laga tolay calanka Puntland kuwaas oo ruxayey caleemo qoyan.

Dhinaca kale safarka shaqo ee madaxweyne Gaas uu ku tagay magaalada Boosaaso ayaa waxaa uu ugu kuur galayey mashaariicda horumarineed ee ka socda gobolka barri, waxaana uu sidookale madaxweynuhu la kulmay maamulka gobolka, kan degmada iyo saraakiisha ciidanka Puntland.

Madaxweynaha ayaa sidoo kale sigaara waxaa uu kulamo ulaqaatay saraakiisha Ciidamada daraawiishta Puntland ee jiida hore ee difaaca, kuwaas oo uga xogwaramay Madaxweynaha xaalada guud ee ciidamada jiida hore oo dagaalo ba’an ku burburiyey kooxada Alshabaab ee ku dhuumaalaysanaysay Buuralaydaas Calmadow.

Madaxweyne Gaas waxaa ayaa xariga ka jaray warshad cusub oo loogu talagalay in ay ka qeyb qaadato dhimaha dhabada ay diyaaraduhu ku ordaan ee garoonka diyaaradaha Magaalada Boosaaso si ay u fududaato howsha laga wado garoonka.

no images were found

 -DHAMMAAD-

Xafiiska Warfaafinta, Wacyigelinta, Hiddaha Iyo Dhaqanka ee Madaxtooyada Puntland.

Email : plpresidecymedia@gmail.com