Madaxweynaha Recep Tayyib Erdogandalka Turkiya oo soo gaaray Muqdisho

Muqdisho:-Madaxweynaha Turkiga Recep Tayyib Erdogan iyo wafdi uu horkacayo ayaa goor dhow soo gaaray magaalada Muqdisho waxaana haatan soo caga dhigatay diyaradii siday wafdiga Madaxweynaha dalka Turkiya.

Madaxweynaha DFS Xasan Sheekh Maxamuud ayaa ku soo dhaweeyey Madaxweynaha dalka Turkiya Recep Tayyib Erdogan .

Amaanka Garoonka Diyaaradaha ee magaalada Muqdisho ayaa si weyn loo adkeeyey waxaana la arkayaa ciidanka gaarka ah ee Madaxtooyada oo aad ugu mashquulsan sugida amaanka madaxweynaha DFS Xasan Sh Maxamuud.

Madaxweynaha dalka Turkiya ayaa waxaa la socoda Ilaalo u gaar ah oo si aad ah u foojigan .Madaxweynaha dalka Turkiga Recep Tayyib Erdogan ayaa waxaa kale oo ka mid ah madaxada ku soo dhaweyneysa Garoonka Aden Cadde Ra’iisl Wasaare Cumar Cabdirashiid Cali Sharmaarke iyo gudoonka baarlamaanka iyo masuuliin kale oo aad u tiro badan.

Madaxweynaha dalka Turkiga Recep Tayyib Erdogan ayaa xariga ka jari doona Terminalka garoonka diyaaradaha iyo Isbitaalka Digfeer oo ay dib u habeyn ku sameeyeen dowlada Turkiya.

A/Cawale
Halgan.net