Madaxweyne ku Xigeenka PL ayaa maanta kormeer shaqo ku tegay Deegaano ka tirsan Gobolka Cayn.[Video/Masawiro]

Buuhoodle:-Madaxweyne Ku Xigeenka Dawladda Puntland ayaa maanta kormeer shaqo ku tegay Deegaano fara badan oo ka tirsan Gobolka Cayn, Xarigana ka Jaray Mashaaariic Horumarineed oo ay Hirgalisay Dawladda Puntland.

Madaxweyne Ku Xigeenka Dawladda Puntland Eng Cabdi xakiim Xaaji Cabdillaahi Cumar Camey oo beryahan safar shaqo ku joogay magaalada Buuhoodle ee xarunta gobolka cayn ayaa maanta kormeero shaqo oo kala duwan ku tagay deegaano dhowr ah oo hoos yimaada degmada buuhoodle ee xarunta gobolka cayn.

Deegaanadii uu maanta kormeeray Madaxweyne Camey ayaa waxay kala ahaayeen deegaanka Kulmiye , Xadha-dhan, Shan-galle iyo Balli-Docol , waxaana deeganadan ay dhacaan waqooyiga magaalada buuhoodle. Madaxweyne Ku Xigeenka Dawladda Puntland Eng Cabdixakiim Xaaji Cabdillaahi Cumar Camey ayaa xariga ka jaray balli ama dhaam biyood ay hirgalisay Dawladda Puntland iyadoo kaashanaysa hay’adda ICRC , waxaana dhaamkaasi qoday shirkadda dhismayaasha ee WAABERI, iyadoo la doonayo in looga maarmo biyo yaraanta ka jirta deegaaka.

Madaxweyne Camey ayaa siyaabo kala duwan ula kulmay dadweynaha ku dhaqan dhamaan deegaanadii uu tagay, wuxuuna ka dhagaystay warbixino ay kaga waramayaan xaaladaha deegaanadaasi, isagoo u ballan qaaday in Dawladda Puntland ay waxqabad muuqda u samaynayso bulshada deegaanadaasi ku dhaqan.

Madaxweyne Ku Xigeenka Dawladda Puntland Eng Cabdixakiim Xaaji Cabdillaahi Cumar Camey ayaa shir jaraa’id oo uu saxaafadda ugu qabtay deegaanka Balli-Docol waxaa uu ku shaaciyay in dhamaan deegaanada uu booqday ay ka mid yihiin Puntlad cid kale oo sheegan kartaana aysan jirin.

Madaxweyne Ku Xigeenka Dawladda Puntland Eng Cabdixakiim Xaaji Cabdillaahi Cumar Camey ayaa sidoo kale farriin cad u diray Qaramada Midoobay iyo beesha caalamka , isagoo u sheegay in dhulkani aanu ahayn deegaano la isku haysto, balse ay ka arrimso Dawladda Puntland, isla markaana loo baahan yahay inay arrintaaasi iska ilaawaan mashaariic horumarineedna ay deegaaanadaasi ka fuliyaan iyagoo kaaashanaya Dawladda Puntland.

no images were found

Hoos ka Daawo Madaxweyne Ku Xigeenka PL ayaa maanta kormeer shaqo ku tegay Deegaano ka tirsan Gobolka Cayn

–DHAMMAAD–
Xafiiska Warfaafinta,Wacyi-gelinta
Hiddaha Iyo Dhaqanka Ee Madaxtooyada Dawladda Puntland.