Puntland oo saxaafadda u bandhigtay Saldhigyo ay kala wareegeen Al-shabaab.[Masawiro]

Galgala:-Saraakiisha ciidanka dowladda Puntland ayaa markii ugu horaysay warbaahinta u soo bandhigtay Saldhigyada ay ka saareen kooxda Al-shabaab  ka dib howlgalo ay buuraleyda Calmadow ka fuliyeen ciidanka Puntland.

Ciidanka dowladda Puntland ayaa waxaa ay kala wareegeen kooxda Al-shabaab saldhigyo ay ku dhuumaaleysan jireen kana soo abaabuli jireen leynta waxgaradka iyo culumada Puntland waxaana ka mid ah deegaanada laga qabsaday Guri-xoor, Dhagax dheer, Guri dharkeyn, Guri xiis, Karin xagarood iyo saldhigii ugu dambeeyey ee Din-digle.

Taliyaha guud ee ciidanka Difaaca dowladda Puntland Jen Siciid Maxamed Xirsi (Siciid Dheere ) ayaa shirjaraa,id ugu qabtay saxaafada Saldhiga Din-digle wuxuuna sheegay in Ciidamada Puntland ay guulo waawayn ka gaareen wajiga labaad ee dagaalka ay kula jiraan kooxda Al-shabaab wuxuuna sheegay in wajiga 3aad ee howlgalada ka dhanka ah AL-Shabaab ay bilaabi doonaan.

Saxaafada qeybaheeda kala duwan ayaa habeen u hoyatay deegaano ka tirsan buuraleyda Calmadow iyaga oo Masawiro kala duwan ka soo qaaday deegaanada ay qabsadeen ciidanka Puntland.

no images were found

M_M Deeq
Halgan.net