Qaar ka mid ah Xildhibaanada DFS oo ka hor yimid golaha wasiirada ee R/W Sharmaarke.

Muqdisho:-Kulan ay maanta isigu yimaadeen qaar ka mid ah xildhibaanada DFS  gaar ahaan Xildhibaanadii taageersanaa Xukumaddii Baarlamaanka uu kala soonida kala laabtay R/W  C/wali Sheikh Axmed Maxamed ayaa Sheegay in ay diidan yihiin qaabka loo soo xulay golaha wasiirada DFS ee xalay lagu dhawaaqay.

Xildhibaan Cabdi Axmed Dhuxuloow ayaa waxaa uu wareysi siiyey  Idaacada VOA wuxuuna  sheegay in ay tiro ahaan gaarayaan 122 Xildhibaan isaga xusay in kulankooda ay uga hadleen golaha wasiirada ee lagu dhawaaqay xalay saq dhexe wuxuuna sheegay in ay qaadaceen .

Xildhibaan Cabdi Axmed ayaa ku eedeeyey  Ra’iisul Wasaareaha DFS  in uu uga baxay Xildhibaanada balan taas oo ahayd awood qeybsi  wuxuu kale uu sheegay in wasiirada qaar ay diidan yihiin isaga oo ku tilmamaay in ay caqabad ku yihiin xukuumad kasta oo la soo dhiso.

Xildhibaan Cabdi Axmed Dhuxuloow ayaa sheegay in aysan Kalsooni siin doonin Golaha wasiirada ee la soo  dhisay wuxuuna yiri ma ansaxin doono hadii alle idmo.

Raisulwaasraha DFS Cumar C/rashiid Cali Sharmaarke ayaa xalay soo magacaabay 60 wasiir taas oo khilaaf ka dhex abuurtay xildhibaanada DFS .

A/Cawale
Halgan.net