Qarax ka dhacay Waqooyiga magaalada Gaalkacyo oo Khasaaro kala duwan geystay

Gaalkacyo :-Wararka ka imaanaya Magaalada Gaalkacyo ee xarunta Gobolka Mudug ayaa sheegaya in qarax Miino uu ka dhacay Waqooyiga magaalada Gaalkacyo waxaana qaraxa miino lala eegtay  gaari ay wateen Macalimiin Soomaali iyo Kenyan ah oo wax ka dhiga Iskuulka Yameyska.

Gudoomiye ku xigeenka Gobolka Mudug ee  Puntland  Axmed Muuse Nuur ayaa faahfaahin ka bixiyay Qarax ka dhacay magaalada Gaalkacyo ee xarunta Gobolka Mudug wuxuuna sheegay in hal qof oo  Soomaali ah ku dhintay waxaana ku dhaawacmay laba Macalin oo Keenyaan ah.

Axmed Muuse Nuur Gudoomiye ku xigeenka Gobolka Mudug ee  Puntland  ayaa sheegay in qaraxa ay ka danbeeyaan kooxaha Al-shabaab wuxuuna sheegay in ciidanka ay wadaan howlgalo lagu ogaanayo cida miinada galisay afaafka hore ee Skuulka Yameyska .

Ilaa haatan ma jirto cid sheegatay qaraxa ka dhacay magaalada Gaalkayo ee xarunta gobalka Mudug.

M_M Deeq
Halgan.net