Shir looga hadlayo Hiigsiga cusub (New Deal) ee sanadka 2016 oo ka furmay Garoowe

Garoowe:-Waxaa maanta magaalada Garowe ee caasimadda Dowladda Puntland ka furmay shir looga hadlayo Hiigsiga cusub (New Deal) ee sanadka 2016, iyadoo shirkaan qaban qaabadiisu ay ka socotay magaalada Garoowe maalmihi la soo dhaafay.

Shirkaan looga hadlayo Hiigsiga cusub (New Deal) ee sanadka 2016 ama kobcinta dhaqaalaha ayaa waxaa saaka furay madaxweynaha dowladda Puntland Dr Cabdiweli Maxamed Cali Gaas waxaan shirka ka soo qayb galay xubno a socoda beesha caalamka , Dowladda Federaalka Soomaaliya Maamulka Jubbaland , Maamulka Koonfur Galbeed ,maamulka Gal-Mudug , iyo xubno ka socday Qaramada Midoobay.

Madaxweynaha dowladda Puntland Dr C/weli Maxamed Cali Gaas ayaa soo dhaweeyey dhamaan marti sharaftii ka soo qayb gashay shirka isagoo ugu baaqay in loo wada guntado si Soomaali ay u gaari lahayd meel ay joogtaba horumar lagana gudbo waqtigii burburka iyo dib u dhaca.

Madaxweynaha dowladda Puntland Dr C/weli Maxamed Cali Gaas ayaa xusay in shirkaan uu leeyahay ahmiyada badan ayana ku faraxsan yihiin in Puntland ay marti geliso shirkaan oo kale iyo shirar kale oo caalami ah.

Shirkaan looga hadlayo Hiigsiga cusub (New Deal ayaa waxaa uu socon doonaa mudo labo maalmood ah waxaana shirkaan lagu qabtay xarunta Hey’adda wada tashiga iyo cilmi baarista Puntland ee PDRC
Inta uu soco shirkaan ayaa waxaa lagu falaqayn doonaa kobcinta dhaqaalaha ,baahiyaha wax soo saara ee Soomaaliya iyo in wax laga qabto kaabayaasha dhaqaalaha ee burburku gaaray.

M_M_Deeq
Halgan.net