Xaflad heer sare ah oo magaalada Copenhagen loogu sameeyay Boqor Burhaan.[Masawiro]

Copenhagen:-Boqorka beelaha Soomaaliyeed Boqor Burhaan Boqor Muuse, ayaa xalay ku soo gabagabeeyay magaalada Copenhagen, safarkii uu ku marayay dalalka Scandinavian (ka). Waxaa Boqorka lugu soo dhoweeyay xaflad si heer sare ah loo soo abaabulay,xaflad-boqoreedka waxaa isugu yimid Soomaali fara badan oo ku nool Denmark.

Xafladda waxaa ka hadlay waxgarad, isimo iyo haween. Abwaanad Xaliima Soofe ayaa halkaas ka tirisay buraanbur qiiro leh oo runtii shucuurta dadkii goobjoogga ahaa kicisay.

Dadkii halkaas ka hadlay waxaa ka mid ahaa Sh. C/rahmaan Abyad oo ka hadlay muhimada ay leedahay ballamada oo la oofiyo,Sheekhu wuxuu tusaale ahaan u soo qaatay oo xusay balan qaadkii ahaa in “Qasri” boqortooyadu leedahay laga dhiso magaalada Qardho.

Wuxuuna goobta ka caddeeyay inay diyaar u yihiin in ay ka qeyb qaataan dhismaha qasrigaas ka dib
waxaa munaasabadda ka hadlay Boqor Burhaan, wuxuuna ugu horreyntiiba u mahad celiayay dadkii soo qabanqaabiyay xafladda. Boqorku wuxuu sheegay inuusan xaflad la mid weli arag, welibana ay ahayd tii ugu xiisaha badneyd intii uu ku jirey safarka.

Wuxuu kale oo sheegay inuu awal goostay inuu safarkiisa kusoo gabagabeeyo magalaada Copenhagen, maadaama uu filayay in sidaan wax u dhici doonaan. Ugu dambaystii, boqorku wuxuu ugu duceeyey Ummadda soomaaliyeed In Ilaahay quluubtooda isu soo celiyo iyo inay is cafiyaan oo ay wadankooda wax u qabtaan.

no images were found

Farah Yassin Osman
Fyok78@hotmail.com
Denmark