Helle Thorning-Schmidt (S) waan ka xumahay toogashadii ka dhacday Copenhagen.[Video/Masawiro]

Copenhagen:-Ra’iisul wasaaraha Danmark Helle Thorning-Schmidt (S) oo shir jaraa’d ku qabtay magaalada Copenhagen ee caasimada Danmark ayaa waxaa ay sheegtay in falkii toogashada ahaa ee ka dhacay xarunta dhaqanka ee Krudttønden in uu ahaa weerar siyaasadeysan ahna mid argagixiso.

Ra’iisul wasaaraha Danmark Helle Thorning-Schmidt (S) ayaa xustay in Danmark aysan u hogaan sami dooni cid walba oo oo isku dayda in awood ficil ay aragtiteeda ku soo bandhigaan iyadoo ku hanjabtay in si dhaqso ah ay ciidanka u soo qaban doonaa kuwii weerarka ka geystay xarunta dhaqanka ee Krudttønden.

Ra’iisul wasaaraha Danmark Helle Thorning-Schmidt (S) ayaa tir ”Aad baan ula yaabay weerarka hubaysan ee maanta ka dhacay xarunta dhaqanka ee Krudttønden balse kuwa ficilkaas geystay cadaalada ayaan horkeeni doonaa.”

Ra’iisul wasaaraha Danmark Helle Thorning-Schmidt (S) ayaa tilmaamtay sidda ay uga xuntahay weerarka dhacay oo uu ku dhintay qof rayid ah halka ay caafimaad u rajaysay saddexdii askari ee ku dhaawacmay weerarka.

Ugu danbayntii ayaa Ra’iisul wasaaraha Danmark Helle Thorning-Schmidt (S) ay sheegtay in dhacda maanta ka dhacday magaalada Copenhagen ay tahay mid imtixaan ah oo lagu eegayo midnimada dowladda iyo shacabka reer Danmarka iyadoo ka codsatay in lala shaqeeyo hay’addaha amniga si loo
soo qabto kuwii falka geystay.

no images were found

Falkaan toogashadaha oo uu geystay sidda saxaafaddu sheegayso nin hubaysan ayaa waxaa ku dhintay qof rayid ah waxaan ku dhaawacmay ilaa 3 askari oo ilaalo ka hayey xarun dhaqan ee Krudttønden waxaan la sheegayaa in xaruta uu ku sugnaa Lars Vilks oo ahaa farshaxamiiste u dhashay dalka Swedan oo sameeyey masawiro kartoon ah oo uu ku aflagaadeynayo nabigeena Maxamed NNKH waxaa kale oo saxaafaddu sheegtay in xarunta uu ku sugnaa safiirka Faransiiska ee Danmark.

Hoos ka Daawo shirka Jaraa’id Ra’iisul wasaaraha Danmark Helle Thorning-Schmidt (S)

Source: Tv2