Kulan looga hadlay amaanka gobolka Shabeellaha dhexe oo ka dhacay Jowhar

Jowhar:-Kulan looga hadlayey amaanka gobolka Shabeellaha dhexe ayaa waxaa uu ka dhacay magaalada  Jowhar waxaana kulankaas ka soo qeyb galay  masuuliinta DFS ee gobolka Shabeellaha dhexe  ,waxgaradka gobalka ,saraakiil ka tirsan ciidanka DFS iyo kuwa AMISOM.

Axmed Mayre Makaraan  Guddoomiye ku-xigeenka gobolka Shabeellaha dhexe ee dhinaca arrimaha siyaasadda ayaa warbaahinta u sheegay  in kulanka looga hadlayey amaanka ee ka dhacay Jowhar lagu lafo guray  sidii kooxda Al-Shabaab looga saari lahaa deegaannada ka tirsan  gobolka Shabeellaha dhexe  oo ku sugan yihiin Al-Shabaab.

Guddoomiye ku-xigeenka gobolka Shabeellaha dhexe ee dhinaca arrimaha siyaasadda  ayaa mar la weydiiyey weerarada joogtada ah oo ay kooxda Al-Shabaab ku heyso ciidanka DFS ayaa waxaa uu sheegay in ay dhawaan ciidanka DFS iyo kuwa AMISOM ay howlgalo ka bilaabi doonaa gobalka Shabeellaha dhexe .

A/Cawale
Halgan.net