Muxaadaraadkii Sh Maxamed Umal iyo Sh C/qaadir Boobe Ee Ndola ee caawa (Warbixin +Masawiro)

Ndola:-Waxaa wili ka socda magaalada Ndola ee dalka Zambia muxaadaraadkii iyo wacdigii ay ka jeedinayeen Masjidka Ummah ee magaalada Ndola  labada Sheekh Maxamed Cabdi Umal iyo Sheekh C/qaadir Boobe oo socdaal dacwo ku jooga Zambia.

Sheekh Maxamed Cabdi Umal ayaa waxaa uu kulan la qaatay galabta dhalinyarada magaalada Ndola wiilal iyo gabdho isaga oo muxaadaro u jeediyey waxaana uu Sheekhu kaga hadlay muxaadaradiisa Qurbaha iyo sida haboon ee loogu noolaado.

Sheekh Maxamed Cabdi Umal Xafidahulaah ayaa waxaa ay ardayda Machadka imaamu shaafici ay weydiiyeen su,aalo aad u kala duwan oo uu intaba Sheekh uga jawaabay.

Sheekh Maxamed Cabdi Umal ayaa waxaa uu sidoo kale uu Masjidka Ummah ee Ndola uga jawaabay dadweynihii soo xaadiray muxaadaradii caawa su,aalo iyo fataawa kala duwan.

no images were found

Sheekh Maxamed Cabdi Umal iyo Sh C/qaadir Boobe ayaa shalay waxay booqdeen  Schoolka IQRA, waa Islamic School oo gacanta ku hayaan Ducaad Salafiyiin ah waxaan dhigta 130 arday oo Soomaali ah wiilal iyo gabdho wuxuuna ka kooban yahay primary ilaa secondary school.

Halgan.net ayaa idiin soo gudbin doonta inshalaah muxaadaradii caawa iyo fataawihii marka ay na soo gaaraan hadii alle idmo

Halgan.net
Ndola
Zambia