Taliyaha guud ee hay’adda nabad-sugidda Jen C/raxmaan Tuur-yare oo gaaray Dhuuso-mareeb

Dhuuso-mareeb :-Wafdi uu hoggaaminaayo taliyaha guud ee hay’adda nabad-sugidda Jen. Cabdiraxmaan Tuur-yare ayaa maanta gaaray degmada Dhuuso-mareeb ee xarunta gobolka Galgaduud waxaana socdaalkiisa ku weheliya saraakiil ka tirsan DFS.

Socdaalka iyo ujeedada Cabdiraxmaan Tuur-Yare ee Dhuuso-mareeb ayaa waxaa lagu sheegay in tababar loo furayo ciidamo ku sugan Degmada Dhuuso-mareeb waxaa sidoo kale socdaalka Tuuryare lagu sheegay in uu hordhac u yahay socdaalka Madaxweynaha DFS uu ku imanayo Degmada Dhuuso-mareeb .

Degmada Dhuuso-mareeb ayaa waxaa ka socda shir dib u heshiisiineed oo ay gogoshooda fidiyeen waxgarad ka soo jeeda Degmada Dhuuso-mareeb ee xarunta gobalka Galgaduud.

Madaxweynaha DFS Xasan Sh Maxamuud ayaa maalmaha soo socda waxaa la filayaa in uu gaaro Degmada Dhuuso-mareeb ee xarunta gobalka Galgaduud.

A/Cawale
Halgan.net