Xildhibaan ka tirsan baarlamaanka dalka Kenyan oo lagu dilay Nairobi

Nairobi :-Wararka ka imaanaya magaalada Nairobi ee xarunta dalka Kenya ayaa sheegaya in rag hubaysan ay toogasho ku dileen xildhibaan ka tirsan baarlamaanka Kenya oo magaciisa la yiraahdo George Muchai.

Xildhibaan George Muchai ayaa waxaa lala dilay labo ilaaladiisa ahaa iyo wadihii gaariga waxaana uu weerarku ka dhacay waddada Kenyatta Avenue ee magaalada Nairobi.

Ciidamo badan oo ka tirsan laamaha kala duwan ee Amaanka ayaa waxaa lagu soo daadiyey magaalada Nairobi kuwaas oo wada baaritaano kala duwan.

Xildhibaan George Muchai ayaa waxaa uu ka soo galaa baarlamaanka Kenya magaalada Kabere, ee gobolka Kiambu ee bartamaha dalka Kenya.

Ilaa haatan ma jiraan cid sheegatay dilka xildhibaanka ka tirsan baarlamaanka dalka Kenyan iyo ilaaladii la socotay.

A/Cawale
Halgan.net