Boqor Burhaan Boqor Muuse oo si weyn loogu soo dhaweeyey Gaalkacyo

Gaalkacyo:-Boqor Burhaan Boqor Muuse ayaa maanta si weyn loogu soo dhaweeyey  magaalada Gaalkacyo ee xarunta Gobolka Mudug, Boqor Burhaan Boqor Muuse ayaa waxaa soo dhaweeyey issimada Gobolka Mudug oo uu hogaaminayo Islaan Bashiir islaan Abdulle oo ka mid ah Issimada laga qadariyo dalka Soomaaliya guud ahaan gaar ahaan deegaanada Puntland.

Soo dhaweynta Boqor Burhaan Boqor Muuse waxaa waxaa ka qayb qaatay mas’uuliyinta maamulka gobolka Mudug , kan degmada, issimo, Cuqaal , haween, dhalinyaro iyo qaybaha kale duwan ee bulshada

Boqor Burhaan oo la hadlay saxaafadda ayaa waxaa uu mahad balaadhan u jeediyey maamulka Gobolka Mudug, kan degmada Issimada Gobolka Mudug  ee uu hogaaminayo Islaan Bashiir Islaan Abdulle iyo dhamaan shacabka magaalada Gaalkacyo sidda diiran ee ay u soo dhaweeyeen.

Boqor Burhaan Boqor Muuse ayaa waxaa la filayaa in uu ku sugnaan doono magaalada Gaalaacyo isagoo kulamo la qaadan doona waxgaradka iyo Issimada Gobolka Mudug isagoo uga xog warami doono safarkii uu dalka dibadiisa ku soo maray.

M_M_Deeq
Halgan.net